Қазақстанның сыртқы істер министрлігі екі күннен бері бір-бірін ара-тұра атқылап жатқан Үндістан мен Пәкістандағы жағдай мен ол елдердегі қазақстандықтар жөнінде пікір білдірді. Бұл туралы Azattyq.org агетттігіне сілтеме жасап Malim.kz хабарлайды. СІМ дәл қазір қазақстандықтарды эвакуациялау мәселесі күн тәртібінде тұрған жоқ деп мәлімдеді.
"Қазіргі кезде ондай қажеттілік жоқ. Соғыс жоқ, ауқымды әскери іс-қимыл жүріп жатқан жоқ. Әуе кеңістігі ашық. Яғни, бұл – Air Astana компаниясының мәселесі, олар жағдайды өздері бағалайды. Біздің азаматтарымызға шынайы қауіп төніп тұрғаны анық болған жағдайда ғана эвакуация мәселесі көтеріледі. Әзірге ондай жағдай жоқ", — деді Қазақстанның сыртқы істер министрінің орынбасары Ақан Рахметуллин 8 мамыр күні парламенттегі брифингіде.
СІМ өкілі Үндістанға қарағанда Пәкістанда Қазақстан азаматтарының саны көптеу екенін айтты. Қазақстандықтар Үндістандағы Қазақстан елшілігімен байланыста отыр деді А.Рахметуллин.
Фото: Иллюстрация РИА Новости
