Путин: Ресей әскері бүкіл майдан шебі бойынша ілгерілеп келеді
Ресей әскері Украинадағы ұрыс қимылдары шебінің барлық бағытында алға жылжып жатыр. Бұл туралы Ресей президенті Владимир Путин «Валдай» пікірталас клубының отырысында мәлімдеді, деп хабарлайды Malim.kz.
«Біздің әскер ұрыс шебінің барлық бөлігінде сенімді түрде алға жылжып келеді, — деді ол. — Және барлық жерде ресейлік әскер стратегиялық бастаманы сенімді түрде ұстап тұр, мұны ерекше атап айтқым келеді», — деді Путин.
Бұған дейін ол кіріспе сөзінде соғысты болдырмауға болатын еді, егер Украинаны «басқа біреудің қолындағы қырып-жоятын құралға айналдырмаған жағдайда» деген пікір білдірді.
«Егер Солтүстік Атлантикалық блок (НАТО) біздің шекарамызға қарай жылжып, Украинаны осы мақсатқа пайдаланбағанда, егер Украина өз тәуелсіздігін, нақты егемендігін сақтап қалғанында», — деді Ресей президенті.
Сонымен қатар, Путин соңғы жылдары қақтығысты реттеу үшін күш салған елдерге алғысын білдірді, олардың қатарында Беларусь пен Солтүстік Кореяны атады.
Соғыстың жалғасуына жауапкершілікті ол Еуропаға жүктеді:
«Өкінішке қарай, әзірге ұрыс қимылдарын тоқтата алған жоқпыз. Бірақ бұл үшін жауапкершілік көпшілікте емес, азшылықта жатыр. Ең алдымен — қақтығысты үнемі ушықтырып отырған Еуропада», — деді Путин.
Фото: Reuters
