Жақында сүйіктісінің үйлену туралы ұсынысын қабылдаған әнші Ayree отбасылық өмірге қадам басты. Қос ғашық көп ұзамай, мешітте некесін қидырды, деп хабарлайды Malim.kz.
Бұл қуанышты жаңалықты өнер иесінің өзі Instagram-дағы парақшасында жария етті. Ayree неке қию рәсімінен фотоларды бөлісіп, ел назарына ұсынды. Өнер иелері сүйіктісі 20 желтоқсан күні мешітте неке қиған. Қос ғашықтың бақытты сәтіне жақын достары куә болған.
ЖанҰя, - деп жазды Ayree суреттердің астына.
Желі қолданушылары жас жұбайлар үшін қуанып, оларға ақ тілегін жаудырды.
«Бақытты болыңдар», «Сондай жарасымды жұп, көз тимесін», «Некелерің берік болсын», «Ayree үшін қатты қуанып тұрмын. Тіпті жылағым да келіп кетті», «Махабаттарың баянды болғай», - деп жазуда оқырмандар.
Фото: instagram.com/ayreeofficial
