, деп хабарлайды Malim.kz.
Ауыздан шығатын жағымсыз иісті азайту үшін тісті ғана емес, тіл мен тіс арасын да тазалау қажет. Бұл туралы Malim.kz тілшісі Ұлыбританияның Ұлттық денсаулық сақтау қызметіне (NHS) сілтеме жасап хабарлайды.
Жағымсыз иіске өткір иісті тағамдар, темекі, ауыздың құрғауы немесе тіс пен қызыл иек аурулары себеп болуы мүмкін.
Тілді тазалауды ұмытпаңыз
Күніне бір рет тілге арналған арнайы тазалағыш қолданыңыз. Тілді қатты қырып, жарақаттап алмаңыз.
Тіс арасын да тазалаңыз
Күніне кемінде бір рет тіс жібін немесе тіс арасына арналған шағын щетканы пайдаланыңыз. Тісті фторы бар пастамен күніне кемінде екі рет, екі минуттан жуыңыз. Тазалағанда қызыл иекті қанататындай қатты ысқыламаңыз.
Сағызды дұрыс таңдаңыз
Өткір иісті тағамнан кейін қантсыз сағыз көмектесуі мүмкін. Алайда иіс қайта-қайта пайда болса, себебін анықтау керек.
Қашан дәрігерге барған жөн?
Күтімді дұрыстағаннан кейін де иіс бірнеше апта бойы кетпесе, стоматологқа көрініңіз. Тіс ауырса, қызыл иек ісінсе немесе қанаса, тексерілуді кейінге қалдырмаңыз.
