Жыл соңына дейін еліміз бойынша студенттерге арналған 10 576 орындық 27 жатақхана қолданысқа беріледі. Бұл туралы Ғылым және жоғары білім министрлігі жоғары оқу орнынан кейінгі білім комитеті төрағасының орынбасары Ақерке Абылайхан мәлімдеді.
Жыл сайын студенттерді 10 мың орындық жатақханамен қамту көзделіп отыр.
«Бүгінде 4650 орындық 17 жатақхана іске қосылды. Атап айтқанда, Түркістан облысында 370 орындық 3 жатақхана, Жамбыл облысында 100 орындық жатақхана, Атырау облысында 490 орындық жатақхана, Павлодар облысында 189 орындық жатақхана, Алматыда 1040 орындық 4 жатақхана, Шымкентте 930 орындық 3 жатақхана, Астанада 3 жатақхана 1207 орындық, Қостанайда 324 орындық жатақхана бар», - деді Ақерке Абылайхан ОКҚ-де өткен баспасөз мәслихатында.
Министрлік өкілінің айтуынша, жатақханамен әуелі әлеуметтік осал топқа жататын және бірінші курс студенттері қамтылмақ.
Фото: smi24.kz
Байланысты жаналықтар
MalimBlocks
