Елімізде қанша адам ең төменгі және одан да төмен жалақы алады?
Елде миллионнан астам азаматтың жалақысы ең төменгі жалақы деңгейінде немесе одан төмен. Аталған жайтқа Еңбек және халықты әлеуметтік қорғау министрі Светлана Жақыпова түсінік берді.
Еңбек және халықты әлеуметтік қорғау министрлігінің мәліметінше, 2025 жылы ең төменгі жалақы — 85 000 теңге, оны 790 мың қазақстандық алады. Одан бөлек, 329 мың азаматтың ресми жалақысы жоғарыда аталған деңгейден де төмен.
Осы орайда министр жалақы нақты есептеу, міндетті аударым негізінде жүргізілетінін атап өтті.
Есептеу Бірыңғай жинақтаушы зейнетақы қорына, Әлеуметтік сақтандыру қорына, Медициналық сақтандыру қорына аударылған міндетті зейнетақы жарна мен әлеуметтік аударымнан шығады, — деп түсіндірді ведомство басшысы.
Бұған дейін Светлана Жақыпова бірыңғай әлеуметтік стандарт әзірленетінін мәлімдеген еді.
Фото: freepik
Ең көп оқылған
