ҰБТ-дан ең жоғары балл жинаған оқушы Жәнібек Әбілханға қосымша білім беру орталығының басшылығы пәтердің сертификатын табыс етті, – деп хабарлайды Malim.kz тілшісі Aikyn.kz-ке сілтеме жасап.
Бұған дейін аталған білім беру орталығы әлеуметтік желідегі парақшасында 140 балл жинаған түлекке пәтер берілетіндігін мәлімдеген екен. Сол орталықта білім алған Жәнібек Әбілхан ҰБТ-дан 140 ұпай жинап, енді оқу орталығы оған пәтердің сертификатын табыстаған.
Білім беру орталығының өкілдерінің мәліметінше, тұрғын үй Жәнібек оқуға түсетін қаладан алынады.
Сонымен қатар, ҰБТ-дағы жоғары нәтижесі үшін Жәнібекке iPhone смартфоны, ноутбук, теледидар және басқа бағалы сыйлықтар тарту етілген.
Бүған дейін біз Қазақстанда ҰБТ-дан ең жоғары 140 ұпай жинаған оқушы белгілі болды деп жазған болатынбыз.
Фото: Aikyn.kz
