Цифрлық даму министрі Бағдат Мусин Қазақстанда жаңа телефон коды енгізілетінін хабарлады. Жақында өзгеретін жаңа телефоны коды - 997.
"БҰҰ жанындағы Халықаралық электр байланыс одағы Қазақстанға жаңа +997 дэф кодын белгіледі. Енді біздің елден басқа мемлекетке қоңырау шалғанда, шетелдіктердің телефонында Қазақстан деген жазу шығады. Сондай-ақ халықаралық деңгейдегі цифрлы сервистерді қолданғанда да, барлық жерде Қазақстан деген сигнал шығады.
Министр сөзінше, қазіргі таңда қажетті құжаттар рәсімделіп, жаңа кодқа ауысу шаралары атқарылуда.
Кезінде КСРО тарағанда, +7 халықаралық телефон коды екі елге бірдей бекітілген болатын. Біз Қазақстанға ғана тиесілі халықаралық кодқа қол жеткізу үшін былтырдан бері телекоммуникация саласындағы компаниялармен бірге жан-жақты жұмыс жүргізіп келеміз. Осы келіссөздердің нәтижесінде біздің елге дербес +997 коды резервке қойылды!" деп жазды министр.
Байланысты жаналықтар
MalimBlocks
