Олимпиада ойындарының чемпионы Ермахан ЫБРАЙЫМОВ әлем чемпионы Бекзат НҰРДӘУЛЕТОВТЫҢ жеңілісіне қатысты пікір білдір. Маңғыстаулық боксшы Азия чемпионатының алғашқы кездесуінде жеңіліп қалды. Ол турнирді ¼ финалдық кезеңнен бастаған еді.
«Бекзат рингке психологиялық тұрғыда шаршаған. Ол әр жекпе-жекке жеңіске деген құштарлық арқылы жететін. Екінші раунта қосатын. Бұл жолы оны байқамадық. Орысша айтқанда жекпе-жек «на тихой волне» өтті. Бұрын үш раунды соңына дейін ойнайтын. Бұрынғы Бекзатты көре алмадым», - дейді бокстан Сидней олимпиадасының чемпионы Ермахан Ыбрайымов Мalim.kz сайтының тілшісі.
Қазақ боксшысы Иран боксшысы Мейсама ГЕШЛАГИМЕН жұдырықтасып үш раунд қорытындысы бойынша 4:1 есебімен есе жіберген. 2019 жылғы әлем чемпионы Бекзат Нұрдәулетов жарыстың фавориті еді. Ермахан САҒИҰЛЫ Токио олимпиадасына да 81 келі салмақта алтын медальдан басты үміткер болып бара дейді.
«Бекзат мінезді боксшы ғой. Алда Токио олимпиадасы бар. Бір жағынан басты доданың алдында жеңілген де дұрыс шығар. Бұны боран алдындағы тыныштыққа жориық», - деді Ермахан Ыбрайымов.
Дубайда өтіп жатқан Азия чемпионатында бес қазақ боксшысы финалға шықты. Олар: Даниял Сәбит (49 келі), Абылайхан Жүсіпов (69 келі), Әбілхан Аманқұл (75 келі), Василий Левит (91 келі) және аса ауыр салмақтағы Қамшыбек ҚОҢҚАБАЕВ.
Фото: total.kz
