Итке таланған баланың жағдайы белгілі болды
Бүгін Алматы облысы денсаулық сақтау басқармасының дәрігерлері баланың денсаулығына қатысты ақпаратпен бөлісті, деп хабарлайды Malim.kz.
Басқарма емнің толық әрі клиникалық хаттамаларға сәйкес жүргізіліп жатқанын жеткізіп отыр. Олардың сөзінше, науқастың жағдайы – ауыр, бірақ тұрақты. Бастысы, есін біледі.
Кеше баланың жағдайы тұрақтанған соң Қарасай ауданының орталық аудандық ауруханасынан облыстық балалар клиникалық ауруханасына ауыстырылды. Ол жансақтау бөліміне жатқызылды. Науқастың жағдайы – ауыр, бірақ тұрақты, нашарлау белгілері жоқ. Есін біледі. Науқаспен және оның анасымен клиникалық психолог жұмыс істеп жатыр, – деп мәлімдеді Алматы облыстық денсаулық сақтау басқармасының баспасөз қызметі.
Науқасты Қазақ медициналық университетінің нейрохирургі мен Қазақ ұлттық медицина университетінің профессоры қарағаны туралы ақпарат бар.
Фото: видеодан кадр
Қазақстандағы жаңа ұлт: орыстілді қазақ пен қазақтың арасы алшақтап бара ма?
Ең көп оқылған
