Атырау облысында 3 млн-нан аса шабақ құтқарылды
Бірнеше күннен бері су арнасында шабақ жиналып жатыр
Махамбет ауданына қарасты Х.Ерғалиев елдімекені маңындағы Бақсай су арнасында балық шабақтарын құтқару жұмыстары жалғасып жатыр, деп хабарлайды Malim.kz.
Ауыл шаруашылығы министрлігінің мәлімдеуінше, су арнасында балық шабақтарының жиналуы 13 қаңтарда анықталған.
Жедел мәліметтерге сәйкес, 16 қаңтарда 1,2 миллионға жуық шабақ құтқарылды. Салмағы 5-6 грамм болатын құтқарылған қарабалық пен сазан шабақтары тірі күйінде Жайық өзеніне жеткізіліп жатыр, деп жазылған министрлік хабарламасында.
Жалпы, бірнеше күннің ішінде құтқарылған балық шабақтарының саны 3,2 миллионға жеткен.
Іс-шараларға 40 адам және 7 техника жұмылдырылған. Жағдай ерекше бақылауға алынған.
Фото: Ауыл шаруашылығы министрлігі
