Мәжілістің мырзалығы. Еуразия экономика одағынан несие алыңыз!
Мәжіліс депутаттары Еуразия экономка одағына мүше елдерінен (Беларусь, Қазақстан, Ресей, Армения, Қырғызстан) несие алудың жолын тездететін келісімді ратификациялады.
Бұл келісім бойынша, енді экономика одағына мүше тараптар бір біріне несие алушының несие тарихы, несие есебі, төлем қабілеті, қаржылық құжаттары туралы ақпараттарды өзара бөлісіп, сұрастыра алады.
Бір айта кетерлігі, экономика одағына мүше елдердің тұрғындары бұған дейін де несие алуға құқылы еді. Бірақ, банк пен несие беруші ұйым тарапынан несие алушының құжаттары мен ақпараттарын сұрай алмайтын. Қаржы нарығын реттеу және дамыту агенттігінің басшысы Мадина Әбілқасымованың айтуынша, енді одақ аясында несие алу мен беру ісі жылдам жүреді. Себебі қаржылық ұйымдардың ақпарат алмасу тетігі реттелді.
Агенттік төрайымы келтірген дерек бойынша, Еуразия экономика одағының 1 мың 700 жеке тұлғасы Қазақстаннан несие алған.
Жалпы, одақ аясында несие алу жолын жеңілдетуді тезірек жолға қоюды 2021 жылы Ресей Федерациясының премьер-министрі М. Мишустин көтерген болатын.
Еуразия экономика одағына қатысты шаруаға келгенде біздің шенділер жорғасынан жаңылмайды.
MalimBlocks
