Премьер-министр: Үкімет Президенттің экономика өсімі бойынша қойған міндетіне жету үшін бар күш-жігерін салады

Экономиканың негізгі нүктелері ретінде құрылыс, инфрақұрылым, өңдеу және АӨК-ке көңіл бөледі

Malim Админ

  • 22.06.2024

Парламент палаталарының бірлескен отырысында Премьер-министр Олжас Бектенов депутаттардың сұрақтарына жауап бере отырып, экономиканың 6% деңгейінде өсуіне қол жеткізу жөніндегі шаралар туралы айтты.

Оның айтуынша, қазіргі күрделі геосаяси жағдайға және негізгі сауда серіктестерінің ағымдағы жағдайына қарамастан, Үкімет Мемлекет басшысының экономиканың өсуін қамтамасыз ету жөніндегі алға қойған міндетіне қол жеткізу үшін бар күш-жігерін салады.

Бүгінгі таңда 8% деңгейінде өсудің оң көрсеткіштері құрылыс, көлік және байланыс салаларынан көрінді. Жаппай су тасқынына байланысты саудада белгілі бір төмендеу байқалды. Дегенмен, бүгінгі таңда бұл саладағы өсу динамикасы белсенді түрде қалпына келтірілуде.

Жалпы, Үкімет экономиканың өсуінің негізгі нүктелері ретінде құрылыс, инфрақұрылым, өңдеу және АӨК бөледі. Бұл салаларға басым қолдау көрсетілетін болады.

Үкімет «Самұрық-Қазына» және «Бәйтерек» холдингтерінің, ішкі капитал нарығының ресурстары мен қаражатын, экономикадағы басым жобаларды қаржыландыру үшін тікелей шетелдік инвестициялар мен жеке капиталды белсенді тартады. «Бәйтерек» желісі бойынша биыл жобаларды 3 трлн теңгеден астам сомаға, «Самұрық-Қазына» қаражаты есебінен – 700 млрд теңгеден астам сомаға қаржыландыру жоспарланып отыр.

Нақты шаралар:

 – құрылыс саласында кемінде 18 млн шаршы метр тұрғын үй салу жоспарлануда;

– «Отбасы Банкі» - «Отау» және «Наурыз» жаңа жеңілдетілген ипотекалық бағдарламаларын іске қосты. Ол бойынша 64 мың адамнан өтініш қабылданды;

 - жалға берілетін тұрғын үй құрылысына қосымша 272 млрд теңге бөлінді;

- 12 мың шақырымнан астам автожолдарды салу, реконструкциялау және жөндеу жоспарланған – бұл рекордтық сандар;

– 13 арнайы экономикалық және индустриялық аймақтардың, сондай-ақ шағын өнеркәсіптік аймақтардың аумақтары қажетті инфрақұрылыммен қамтамасыз етілетін болады;

– жаңа газ желілерін салу есебінен қосымша 87 елді мекенді газдандыру жоспарлануда;

- газ өңдеу кәсіпорындарының құрылысы жүргізілуде;

- отандық тауар өндірушілерді қолдау үшін ұлттық режимнен алып тастау тізбесі 4 есе кеңейтілді. Егер жыл басында тізбеде шамамен 1 мың тауар болса, қазір онда 4 мыңнан астам тауар түрі бар;

- АӨК саласын қаржыландыру 4 есе ұлғайды;

- Жаңа лизингтік бағдарлама бойынша ауыл шаруашылығы техникасын жаңартуға 100 млрд теңге бөлінді.

«Бұл біз қазір жүзеге асырып жатқан негізгі ауқымды шаралар. Олар экономиканың өсуін қамтамасыз етеді»,-деп атап өтті Олжас Бектенов.

Фото: primeminister.kz

Байланысты жаналықтар

Қостанай облысында су тасқыннан зардап шеккен 57 отбасыға жаңа үй берілді

19.07.2024

Елімізде жаңа Су кодексі әзірленді

18.07.2024

Үкімет су тасқынынан зақымданған үйлерді қалпына келтіру жұмыстарын тұрақты қадағалап отыр

18.07.2024

Джо Байден коронавирус жұқтырды

18.07.2024

Су тасқыны: Бектенов үй сапасы үшін әкімдер жеке жауап беретінін ескертті

17.07.2024

Трамп ресми түрде президенттікке кандидат ретінде ұсынылды

16.07.2024
MalimBlocks
Қостанай облысында су тасқыннан зардап шеккен 57 отбасыға жаңа үй берілді

Елімізде жаңа Су кодексі әзірленді

Қазақстанда жаңа 20 су қоймасын салынады

Үкімет су тасқынынан зақымданған үйлерді қалпына келтіру жұмыстарын тұрақты қадағалап отыр

Елімізде су тасқыны салдарынан қалпына келтіруге келмейтін барлық үйлер бойынша құрылыс және сатып алу жұмыстары жүргізіліп жатыр.

Джо Байден коронавирус жұқтырды

АҚШ президенті осыған байланысты Лас-Вегаста өтетін конференцияға қатыса алмайды.

Су тасқыны: Бектенов үй сапасы үшін әкімдер жеке жауап беретінін ескертті

Бүгінгі таңда 2 578 үй құрылысы мен 6 мың жылжымайтын мүлік сатып алу жұмыстары жүргізілуде.

Трамп ресми түрде президенттікке кандидат ретінде ұсынылды

Вице-президент лауазымына сенатор Джеймс Дэвид Вэнсті таңдап отыр.