Ұлттық Қор қаржысын есепсіз пайдалану дефолтқа алып келуі мүмкін

Есдәулет Қызырбекұлы

  • 05.08.2021

Ұлттық Қорға келіп түскен қаржыдан алынған қаржы екі есе көп.

Қаржы министрлігі жариялаған мәлімет бойынша, Ұлттық Қорға тамыздың 1-і күнгі есепке сәйкес 1,1 трлн теңге келіп түскен. Ал одан алынған қаржы 2,6 трлн теңгені құрған.

«Ұлттық қордағы қаржыны пайдалану келіп түскен қаржыдан 2,4 есе артық. Қазақстанның Ұлттық Қорына 1 тамызға дейін 1,1 трлн теңге келіп түскен. Ал шығарылған қаржы көлемі 2,6 трлн теңге», - делінген министрлік жариялаған есепте.

Экономист Мақсат Халықтың сөзінше, үкімет болашақ ұрпаққа арналған Ұлттық Қор қаржысын пайдалануды дәстүрге айналдырған. Бұл 2007-2009 жылдарда болған экономикалық дағдарыстан бері жалғасып келеді.

«Қазақстанда бюджет тапшылығы өте жоғары. Пандемияның салдарынан ол тіптен артып кетті деп айтуға негіз бар. Өткен жылы пандемия салдарымен күресу үшін Ұлттық Қордан 4,7 трлн теңге аударылған. Бұл өте үлкен қаражат. Жалпы, 2008 жылдан бері Ұлттық Қордан қаржы алу дәстүрге айналып кетті. 2007-2009 жылдары қаржылық дағдарыс болған уақытта біз қордан қаржы алып бастағанбыз», - дейді Халық.

Мақсат Халық егер жағдай өзгеріссіз осылай жалғаса беретін болса, онда оның арты жақсылыққа алып келмейді деп есептейді. Оның сөзінше, дәл осындай қарқынмен Қазақстан Ұлттық Қор қаржысын 4-5 жылда тауысады.

«Бұның арты жақсылыққа апармайды. Ол Ұлттық Қордың сарқылуына алып келеді. Егер резервсіз қалатын болсақ, онда мемлекеттің болашағына халықаралық қауымдастық пен қаржы ұйымдары сенбейтін болады. Ертең мемлекет инвестиция тарту, қарыз алу жағынан қиындықтарға тап болады. Тіпті бұл дефолтқа алып келуі мүмкін. Егер біз осы қарқынмен кете беретін болсақ, онда Ұлттық Қор қаржысы 4-5 жылда бітеді», - дейді экономист.

Қаржы министрлігінің есебі бойынша, қазір Ұлттық Қорда 26,7 трлн теңге қаржы бар. Былтыр қордан пандемия салдарымен күреске 4,7 трлн теңге бөлінген. Биыл 3 трлн теңге алынады деп жоспарлануда.

 

 

Байланысты жаналықтар

Қазақстанда су тасқыны басталғалы 113 мың адам эвакуацияланды

16.04.2024

Қазақстандағы су тасқыны: ТЖМ жаңа деректерді жариялады

16.04.2024

Қазақстандағы су тасқыны: ТЖМ жаңа деректерді жариялады

15.04.2024

Қазақстандағы су тасқыны: ТЖМ жаңа деректерді жариялады

12.04.2024

Қазақстандағы су тасқыны: Өңірлерге қолдау көрсету тәулік бойы жүргізіліп жатыр (ВИДЕО)

12.04.2024

Қиын кезеңде халықты бірлікке шақырып, қолдау қажет

11.04.2024
MalimBlocks
Қазақстанда су тасқыны басталғалы 113 мың адам эвакуацияланды

9,7 млн астам текше метр еріген қар суы сорып шығарылды, 2,4 млн қапшық және 1,2 млн астам тонна инертті материал төселді.

Қазақстандағы су тасқыны: ТЖМ жаңа деректерді жариялады

Ақмола, Ақтөбе, Қостанай, Атырау, Солтүстік Қазақстан облыстарында 3 570 тұрғын үй мен 2 195 аула аумағынан су бұрылды. 

Қазақстандағы су тасқыны: ТЖМ жаңа деректерді жариялады

Қазіргі уақытта 4898 жеке тұрғын үй, 1542 аулалық аумақ және 2035 саяжай су астында қалды.

Қазақстандағы су тасқыны: ТЖМ жаңа деректерді жариялады

Зардап шеккен өңірлерге 1 мың тонна гуманитарлық көмек жеткізілді.

Қазақстандағы су тасқыны: Өңірлерге қолдау көрсету тәулік бойы жүргізіліп жатыр (ВИДЕО)

Су тасқынынан зардап шеккендердің басқа да мүлкі мен мал шығынын өтеу мәселелері жақын арада шешімін табады.

Қиын кезеңде халықты бірлікке шақырып, қолдау қажет

Өз аудиториясын пайдаланып хайп жинауға емес, елді біріктіріп, көмек жинауға шақырып жатқан блогерлер барлық алғысқа лайық.