Жанармай экспортына тыйым салынғаннан кейін елде оның қоры күрт артқан

Жанармай мен дизель отынын автокөлікпен экспорттауға тыйым салынғаннан кейін, елдегі осы отындар қор 20-дан 45 күнге дейін күрт артқан. Бұл туралы Энергетика министрі Алмасадам Саткалиев журналистерге өткізген брифингте айтты, деп хабарлайды Malim.kz.

Саткалиевтің айтуынша, осындай шаралар елден шығарылатын отын көлемін анықтауға мүмкіндік береді.

Иә, бізде тапшылық бар. Жыл қорытындысы бойынша, жыл сайын Ресеймен бірлесіп индикативті баланс жасаймыз, соның аясында біз ішкі нарықта жаба алмайтын көлемдегі мұнай өнімдерін салықсыз импорттауға құқылы боламыз. Мұндай шараларды енгізу бізге Қазақстандағы «жасырын» экспорттың нақты көлемін бақылауға мүмкіндік береді, деді ол.

Сондай-ақ, ол автокөлікпен экспортқа тыйым салынғаннан кейін, елдегі отын қорлары 20-45 күн аралығында күрт артқанын айтты. Министрдің сөзінше, бұл – бұрын «жасырын» схемалармен шығарылған көлем.

Бензин мен дизель отынын автокөлік пен теміржол көлігімен экспорттауға тыйым салудан да осындай әсер күтіп отырмыз, деді министр.

Фото: freepik