Абай облысында мал ұрлығына қарсы күрес күшейтілді, 10 айда 18 адам ұсталды, деп хабарлайды Malim.kz.
Облыс полициясының мәлімдеуінше, биылғы он айда Абай облысында 94 мал ұрлығы оқиғасы тіркелген. Оның 85%-ы еркін жайылымда болған, бұл ұрлық қаупін айтарлықтай арттырады. Ұрлық нәтижесінде жалпы шығын 218,8 млн теңгені құрап, оның 120,8 млн теңгесі өтелген.
Тергеу барысында мал ұрлығына қатысы бар 18 адам ұсталды, олардың 11-і 4 ұйымдасқан қылмыстық топтың мүшесі. Облыс полициясы мал ұрлығына қарсы күресті белсенді түрде жалғастырып келеді, бұл жұмыс қатаң бақылауда, деп жазылған полиция мәлімдемесінде.
Полиция хабарлауынша, қылмыстардың негізгі себептерінің бірі – малдың еркін жайылымда қараусыз қалуы, бұл ұрлыққа жағдай жасайды.
Фото: скриншот
