Дәулет Тұрлыхановтың ұлы пробациялық бақылауды тағы да бұзды
Бас бостандығы шектелген Нұрасыл Болат мейрамханада тойлатып жүр
Депутат Дәулет Тұрлыхановтың ұлы Нұрасыл Болат пробация талабын тағы бұзғаны үшін түзету мекемесіне жіберілуі мүмкін, деп хабарлайды Malim.kz.
Естеріңізге сала кетсек, 2023 жылдың 11 ақпанында Нұрасыл ерлі-зайыпты қорғаушылар Чернова мен Дмитриевичті соққыға жыққан болатын. 9 қазанда сот оны кінәлі деп тауып, 1 млн 700 мың теңгең көлемінде айыппұл салу туралы шешім шығарды.
Алайда 2024 жылдың 14 мамырында Жоғарғы сот бұл шешімді екі жыл бас бостандығын шектеу жазасына өзгертіп, өтемақы сомасын да көтерді. Осыдан кейін Нұрасыл Болатты Алматы қаласында серуендеп жүргенін жұрт көрген.
Ұқсас жағдай тағы болды.
Бас бостандығы шектелген Нұрасыл мейрамханада танысының туған күнін тойлап жүр екен. Оның бейнежазбасы әлеуметтік желіде таралып жатыр. Айтпақшы, Нұрасыл жазасын Астанада өтеуге тиіс болған, ал видеодаға шара жуықта ғана Алматыда өткен.
Бұған қатысты Ішкі істер министрлігінің Қылмыстық-атқару жүйесі комитеті ресми жауабын берді.
- Пробациялық бақылауды бұзу фактісі бойынша сотталған адамға ескерту жасалды, жазаны бас бостандығынан айыруға ауыстыру туралы мәселені шешу үшін сотқа материал дайындалуда, – деп атап өтті комитетте.
Видео: QirSabyn
Фото: instagram/pro.pravo.kz, t.me/qirsabyn
Байланысты жаналықтар
MalimBlocks
