Елордада полицейлері көлігін тастап қашқан мас жүргізушіні қуып жетіп ұстады (ВИДЕО)
Ол көшеде маневр жасаған
Патрульдік полиция полкінің қызметкерлері көшелерді патрульдеу кезінде көше қиылыстарының бірінде жоғары жылдамдықпен маневр жасаған «Лада» автокөлігін байқаған, деп хабарлайды Malim.kz.
Осыдан кейін полицейлер көлікті тексеру үшін оны дереу тоқтатқан. Алайда тәртіп сақшыларының талабына бағынудың орнына 25 жастағы жүргізуші көліктен жүгіріп шығып, қашуға әрекеттенген. Дегенмен тез арада ұсталды.
Медициналық сараптама ер адамның көлікті мас күйінде жүргізгенін көрсетті. Осы дерек бойынша сот шешімімен ол 15 тәулікке әкімшілік қамауға алынды, сонымен қатар, ол 7 жылға жүргізуші куәлігінен айрылды, деп жазылған ресми хабарламада.
Ал көлік коммуналдық тұраққа қойылған.
Фото: polisia.kz
