Сочиге ұшпақшы болған мас әйел қамауға алынды
Ол әуе компаниясы қызметкерлерін балағаттап, полицияға бағынбаған
Халықаралық әуе рейсінің мас жолаушысы тәртіп бұзғаны үшін 15 тәулікке қамауға алынды, деп хабарлайды Malim.kz.
Polisia.kz жазуынша, Алматы әуежайындағы желілік полиция бөлімінің қызметкерлері Алматы-Сочи бағытындағы әуе рейсінің 29 жастағы жолаушысын ұстаған. Әйел кісі әуе рейсіне отырғызу кезінде мас күйде болып, өзін дөрекі ұстап, әуе компаниясы қызметкерлерін балағаттап, ескертулерге құлақ аспаған. Ол сондай-ақ, полиция бөлмесіне жеткізу кезінде тәртіп сақшыларының заңды талабына бағынбаған.
Көлік полицейлері құқық бұзушыға қатысты қоғамдық орындарға масаң күйінде келгені, ұсақ бұзақылық жасағаны, құқық қорғау органы қызметкерінің заңды талабына бағынбағаны үшін әкімшілік хаттама толтырып, материалды сотқа жолдады, деп жазылған полиция хабарламасында.
Айта кету керек, бұл азаматша бұған дейін бір жыл ішінде алкогольдік ішімдіктерді ішкені үшін әкімшілік жауапкершілікке тартылған. Сот шешімімен құқық бұзушы 15 тәулік мерзімге әкімшілік қамауға алынды.
Фото: Polisia.kz
Байланысты жаналықтар
MalimBlocks
