Талғардағы “Хуторской” банда тобының басшысы делінетін Хасан Қасымбаевтың не үшін ұсталғаны мәлім болды. Қасымбаев адам ұрлығына және ұрып-соғуға қатысы бар деген күдікке ілінген. Оқиға 2021 жылы Талғарда болған. Зардап шегуші ережесіз жекпе-жек жаттықтырушысы.
2021 жылы Талғарда әлдекімдердің ер азаматты соққыға жығып, оны күштеп көлікке салып алып кеткені туралы видео тараған. Таяқ жеген адамның ережесіз жекпе-жек шебері әрі тренер Арман Әлімов екені белгілі болған.
Жәбірленушінің туыстары оқиғаның Виктория минимаркеті алдында орын алғанын айтқан. Есінен танған азаматты қылмыскерлер Кеңдала ауылы маңына апарып, тағы да ұрған. Ауыр жарақат салдарынан Әлімов Талғар ауруханасының жансақтау бөліміне түскен.
Кейінірек осы іске қатысты 5 адам ұсталып, істеген қылмысы үшін әртүрлі жылға сотталған. Қазір олар түрмеде отыр.
Алматы облыстық полиция департаментінің хабарлауынша, Хасан Қасымбаев осы іске қатысты күдікті деп танылған.
Айта кетейік, бұған дейін Хасан Қасымбаевтың ұсталғанын жазған едік.
Фото: Видеодан скрин
Байланысты жаналықтар
MalimBlocks
