Маңғыстау облысында Бекет-ата – Шопан-ата автожолында болған жол апатынан зардап шеккен екі әйелдің жағдайы тұрақтандырылды, деп хабарлайды Malim.kz.
Олар санитариялық авиация арқылы Жаңаөзеннен облыстық ауруханаға жеткізілген еді.
Денсаулық сақтау министрлігінің мамандары өткізген телемедициналық консультациялардан кейін пациенттерді Астанадағы Ұлттық шұғыл медицина орталығының клиникасына жатқызу ұсынылды.
Зардап шеккен үшінші адам Жаңаөзен қалалық ауруханасында қалып, оның жағдайы тұрақты екені хабарланды.
Фото: freepik.com
