Мектеп мұғалімдеріне ерекше жағдайларда оқушыны физикалық жолмен тоқтатуға мүмкіндік беретін заң жобасы қарастырылып жатыр. Бастама оқушылардың агрессивті әрекеттері көбейгені туралы мәліметтерден кейін көтерілген, деп Malim.kz @dwglavnoe мәліметіне сүйеніп хабарлайды.
Ұсыныс бойынша, оқушы өзіне немесе айналасындағыларға қауіп төндірсе, мұғалім оны ұстап тоқтата алады. Сондай-ақ сабақтың өтуіне елеулі кедергі келтірген оқушыны сыныптан алып шығуға рұқсат беру көзделген.
Бұл оқушыны ұруға немесе дене жазасын қолдануға рұқсат беру дегенді білдірмейді. Мұғалім алдымен баламен сөйлесіп, жағдайды өзге тәсілдермен реттеуге тырысуы керек. Күш қолдану тек басқа амалдар нәтиже бермегенде, барынша жұмсақ әрі қысқа мерзімді шара ретінде қарастырылады.
Білім министрінің айтуынша, мұғалімдер жағдай ушыққанда қандай әрекет жасауға болатынын анық білуі қажет. Қауіпті тоқтату үшін араласқан педагог жұмысынан айырылып қаламын деп қорықпауы тиіс.
Зерттеу нәтижесіне сәйкес, сауалнамаға қатысқан мұғалімдердің төрттен бірінен астамы оқушылардың агрессивті мінез-құлқы жиілегенін айтқан. Ал әр бесінші сыныпта педагогтерге күш көрсету жағдайлары тіркелген.
Әзірге жаңа ережелер күшіне енген жоқ. Заң жобасы іске асуы үшін парламенттің мақұлдауы қажет.
