НАТО елдері Украинаға қаржылай қолдауды күшейту және 70 млрд еуро көлемінде жаңа міндеттемелер енгізу мәселесін талқылап жатыр, деп хабарлайды Malim.kz DW-ге сілтеме жасап.
Жоспар бойынша бұл пакет туралы Анкарада өтетін альянс саммитінде 7–8 шілде күндері жариялануы мүмкін. Ұсыныс Германия тарапынан өткен айда таратылған.
Жоба Украинаға көмекті қаржыландырудың ашықтығын арттыруға бағытталған жаңа тетік енгізуді де қамтиды. Бұл кейбір елдердің шығындардың тең бөлінбеуі туралы шағымдарымен байланысты.
Дипломаттардың айтуынша, негізгі мақсат — саммитте Украинаға қолдауды тұрақты әрі әділ негізде жалғастыру жөнінде нақты міндеттемелер қабылдау.
Көмек пакеті қалай бөлінеді:
30 млрд еуро — ЕО-ның бұрын келісілген 90 млрд еуролық несиелік бағдарламасынан
40 млрд еуро — НАТО елдерінің екіжақты (тікелей) міндеттемелері есебінен.
Дегенмен бұл қаражаттың барлығы жаңа қаржы емес. Кейбір елдер ЕО несиесі жеке көмекті азайтуы мүмкін деп алаңдаса, басқалары оны қосымша қолдау ретінде қарастыру керек екенін айтады.
Швеция Сыртқы істер министрі Мария Мальмер Стенергард ЕО несиесі екіжақты көмекті алмастырмауы тиіс екенін айтып, қосымша қолдаудың міндетті түрде қажет екенін атап өтті.
