Астана қаласының Байқоңыр ауданында жүк көлігі өртке оранып, ал ондағы тиелген газ баллондары қызу нәтижесінде жарыла бастаған, деп хабарлайды Malim.kz.
Оқиға орнына келген ТЖМ күштері мен құралдары бірнеше минут ішінде оқпанмен су беріп, баллондарды салқындату арқылы өртті жойды.
Сонымен қатар жақын жерде тұрған 3 көлікке зақым келді.
Өрт сөндірушілер 8 көлікті, жақын маңдағы тұрғын үйлерді және 17 газ баллонының 11-ін тілсіз жаудан құтқарып қалды.
Фото: видеодан кадр
