Астанадағы «Сарыарқа» ойын-сауық орталығында өрт шықты, деп хабарлайды Malim.kz.
Елордалық өрт сөндірушілер Нұра ауданы Тұран даңғылы бойында орналасқан «Сарыарқа» сауда-ойын сауық орталығына жедел жетуп, өртті оқшаулады.
ТЖМ мәліметінше, қызыл жалын СОО негізгі ғимаратына және іргелес 2 қабатты ғимаратқа тараған екен.
Зардап шеккендер туралы ақпарат түскен жоқ.
Оқиға куәгерлерінің айтуынша «Сарыарқа» сауда-ойын сауық орталығындағы «DNS» тұрмыстық заттар дүкені өртенген.
Фото: ТЖМ
