Көкшетауда полицейлер пәтер тұрғындарын өрттен аман алып қалды
Полицейлер екі баланы анасы, әжесімен бірге алып шыққан
Оқиға 4 қазанда кешке болған. Сағат 20:55 шамасында кезекші бөлімнен Сүлейменов көшесі, 12 «в» мекенжайы бойынша 4-қабатта пәтер тұтанғаны туралы ақпарат түскен, деп хабарлайды Malim.kz.
Ақмола облысы полиция департаментінің мәлімдеуінше, Көкшетау қ. ПБ ППБ «Әскер-2» экипажының қызметкерлері полицияның аға лейтенанттары Аманжол Мұратов пен Мейрам Шайжановтің қызметке түскен кезіне тап келген.
Оқиға орнына жеткенде, біз өрттің пәтердің едәуір бөлігін шарпығанын көрдік, сонымен қатар өрт кезінде ер адам 4-қабаттың балконынан секіріп кетті. Әріптесім жедел жәрдем келгенге дейін оның жанында болған. Жанып жатқан пәтердің ішінде тұрғындар болды, өрт сөндіру қызметі өртті сөндіріп жатқанда, біз ойланбастан әрекет етуге шешім қабылдадық. Кіріп, зардап шеккендерді эвакуациялауды бастауға шештік, дейді аға лейтенант Аманжол Мұратов.
Полиция қызметкерлері абдырап қалмай, жағдайды нақты бағалап, анасын екі баласымен, әже мен әйелді тез арада эвакуациялаған. Өрт сөндірушілер көрші пәтерлердің өртенуіне жол бермей, өртті толығымен жойған. Оқиға орнында полиция мен өрт сөндіру қызметкерлерінің жедел әрекеттерінің арқасында адам шығыны болмаған.
Фото: Ақмола облысы ПД
