Солтүстік Қазақстан облысында ер адам танысының ұялы телефонын ұрлап, ондағы жеке өміріне қатысты ақпаратты ортақ таныстарына таратқан, - деп хабарлайды Malim.kz тілшісі Петропавловск.news сайтына сілтеме жасап.
"Сот азамат Л.-ны адамның конституциялық құқықтары мен бостандықтарына қарсы қылмыс жасағаны үшін төрт жыл бас бостандығынан айыру жазасына кесті", – деп хабарлады өңірлік прокуратураның баспасөз қызметі.
Үкім заңды күшіне енді.
Ведомство мәліметінше, адамның жеке өмірі туралы келісімінсіз мәліметтерді таратқандардар немесе оның құқықтары мен мүдделеріне елеулі зиян келтіргендер Қазақстан Республикасы Қылмыстық кодексінің 147-бабының 4-бөлігіне сәйкес қылмыстық жауапкершілік артады. Бұл бап бойынша баламасыз жаза ретінде алты жылға дейін бас бостандығынан айыру көзделген.
"Мұндай мәліметтерді көпшілік алдында сөз сөйлеу кезінде, шығармаларда, бұқаралық ақпарат құралдарында, телекоммуникациялық желілерде немесе онлайн-платформаларда тарату үшін үш жылдан жеті жылға дейін бас бостандығынан айыру жазасы қарастырылған", – деп қосты прокуратура өкілдері.
Сонымен қатар, ведомство Конституцияның 18-бабына сәйкес әрбір азаматтың жеке өміріне, жеке және отбасылық құпиясына қол сұғылмау құқығы кепілдендірілгенін еске салды.
Фото: Pixabay.com
