Шымкентте екі үндістандық студент өлі табылды

Шымкент қаласындағы пәтерлердің бірінен Үндістаннан келген екі студенттің мүрдесі табылды. 

Студенттердің өліміне қатысты ақпаратты қалалық төтенше жағдайлар департаменті растады. Екі жігіттің мәйіті 17 қыркүйекті таңертең табылған: біреуі жатын бөлмеден, екіншісі дәлізден.

Оқиғаның мән-жайы әлі де анықталып жатыр. Өлімнің себебі медициналық сараптамалардың қорытындысы шыққанда белгілі болмақ.

Сондай-ақ газ қызметкерлері пәтерден газдың иісі анықталмағанын айтты.

Ал әлеуметтік желіде марқұмдардың 21 және 22 жастағы шетелдік студент екенін жазып жатыр. Екеуі де Оңтүстік Қазақстан медицина академиясында 2-курста оқыған. Мәйіт табылған пәтерде университеттің басқа да студенттері тұрады.

Фото: Pixabay.com