Талдықорғанда жасөспірімнің зейнеткерді соққыға жыққанына байланысты қылмыстық іс қозғалды. Бұл туралы Жетісу облыстық полиция департаменті мәлімдеді, деп хабарлайды Malim.kz.
«Денсаулыққа зиян келтіру дерегі бойынша қылмыстық іс қозғалды. Қазіргі уақытта тергеу амалдары жүргізілуде. Кәмелетке толмаған құқықбұзушы заңды өкілінің кепілдігіне берілді», – делінген ресми хабарламада.
Сондай-ақ жасөспірімді тәрбиелеу жөніндегі міндеттерін тиісінше орындамағаны үшін оның заңды өкілі әкімшілік жауапкершілікке тартылды.
Талдықорған қаласы әкімдігі жанындағы кәмелетке толмағандардың істері және олардың құқықтарын қорғау жөніндегі комиссия жасөспірімді профилактикалық есепке қою туралы ұсыныс енгізді.
Фото: pixabay.com
