Reuters Institute медиа болашағы туралы 45 беттен тұратын есебін жариялады. Онда дәстүрлі журналистикаға күннен-күнге қиын болып жатқаны баяндалған. Медиа-менеджерлердің тек 41%-ы ғана жарқын болашаққа сенеді. Қалғандары сенбейтін сияқты.
Нарықта не болып жатыр:
- Facebook пен Twitter трафик көздері ретінде біртіндеп құлдырап барады (2 жыл ішінде сәйкесінше -67% және -50%);
- Дәстүрлі медиа ұйымдары штаты мен бюджетін қысқарта бастаған;
- Керемет журналистер «тәуелсіз» микроинфлюенсерлерге кетіп жатыр;
- Аудитория бейтараптылықты емес (оны түсінбейді де), «нақтылықты» (тіпті, ол фейк болса да) қалайды.
Ал енді ең қызығы. АҚШ-та Трамп пен Харрис CNN мен NBC сынды дәстүрлі медиаға мүлдем көңіл бөлмей қойды. Оларға Joe Rogan-ның подкасттары ғана маңызды. Мәселен, Румынияда кездейсоқ адам TikTok арқылы президент сайлауында жеңіске жетті. Ал ол жай атқа мініп, шіркеуге баратынын ғана көрсеткен еді.
PR мамандарына не істеу керек:
- «Тек медиа» дегенді ұмытыңыз. Адамдар мен платформаларды іздегенде олардың бэкграундына қарамай-ақ қойыңыз. Жаңа «жаңалық инфлюенсерлерінің» 77%-ы журналистер емес. Бұл қалыпты жағдай болып кеткен.
- Бейнемазмұнға ден қойыңыз. YouTube (+52%), TikTok (+48%) және Instagram (+43%) – ақша мен назардың бәрі осында.
- Оқиғаларды әр түрлі форматқа бейімдеуді үйреніңіз. Бір жаңалықты – мәтін, бейнемазмұн, подкаст және shorts форматында ұсыныңыз. Бұл мультиканал емес, әр аудиторияның өз тілі.
- «Өз» медиаларыңызды іздеңіз. «Топ» медиаларды қуалап, үнемі үлкен арналардың соңында кетпей, өз аудиторияңыз дейтін платформаларды табыңыз. Кейде тақырыбын тапқан telegram-арналар федералды медиаға қарағанда әлдеқайда тиімді болады.
- Жасанды интеллектпен жау ретінде емес, құрал ретінде жұмыс істеп бастаңыз. Мысалы, өз күш-жігеріңіз ChatGPT-тің іздеу нәтижелеріне қалай әсер ететінін байқаңыз. PR-ды құртатын жасанды интеллект емес, оны дұрыс қолданбау құртады.
Қиын соғары сөзсіз. Дегенмен, оны алғашқы үйренгендер – бар тәттісін жеп кететін солар.
Фото: lpgenerator.ru
MalimBlocks
