ШҚО-да «үй саламыз» деп 1,8 млрд теңге жымқырған менеджерлер ұсталды
Күдіктілердің 2,3 млрд теңге мүлкіне тыйым салынған
ШҚО-да құрылыс компаниясының топ менеджерлерінің заңсыз іс-әрекеттеріне тоқтау салынды, деп хабарлайды Malim.kz.
ҚМА мәлімдеуінше, олар көппәтерлі тұрғын үй кешенін саламыз деген желеумен 1,8 млрд теңге қаражат жымқырған.
Өскемен қаласында екі күдікті 102 азаматты алдап, құрылысқа үлескер ретінде қатысуға жалған келісімшарттар жасағандары анықталған.
Іс жүзінде тұрғын үй нысанының құрылысы созбалаңға түскен. Мерзімдері бірнеше мәрте ұзартылғанымен, көппәтерлі үй кешенінің құрылысы аяқталмаған. Компаниялар заң талаптарын бұзған және үлескерлердің қаражатын тартуға рұқсат құжаттары болмаған, деп жазды агенттік.
Бүгінде күдіктілер соттың санкциясымен ұсталып, тергеу изоляторына қамауға алынған.
Тергеу амалдарын жүргізу барысында күдіктілердің 2,3 млрд теңге мүлкіне тыйым салынған. Зардап шеккен азаматтарға қаражаттары қайтарылып жатыр.
Фото: Жансерік Күзембай
MalimBlocks
ШҚО-да инвестициялық және әлеуметтік-экономикалық жобаларды белсенді іске асыру жалғасып жатыр
Шығыс Қазақстан облыстық мәслихатының сегізінші шақырылымының XX сессиясында облыс әкімі Нұрымбет Сақтағанов облыс дамуының Жоспарын орындау және 2024 жылға арналған облыстық бюджет туралы егжей-тегжейлі есеп берді
