Энергетика министрі Алмасадам Сәтқалиев Қазақстанда алғашқы атом электр станциясы қашан салынатыны туралы сауалға жауап берді, деп хабарлайды Malim.kz.
Энергетика министрлігінде өткен брифинг барысында журналистердің сұрақтарына жауап берген Сәтқалиев болжамды мерзімді атады, яғни 2-3 жыл.
Халықаралық тәжірибеде жобалау мерзімі үш жылға дейін созылады. Жалпы құрылыс жұмыстары туралы айтар болсақ, онда екі жыл ішінде құрылысқа кірісетін шығармыз. Алайда негізгі нысанның құрылысы техникалық-экономикалық негіздеме аяқталған соң, жобалық құжаттаманы дайындағаннан, мемлекеттік органдардан барлық қажет рұқсатты алғаннан кейін ғана басталады", - деп түсіндірді Энергетика министрлігінің басшысы.
Айта кетейік, жуырда Қазақстанда бірінші атом электр станциясының орны ресми түрде бекітілді. Ал бұған дейін министрлік атом электр станцияларын салу технологияларын әлеуетті жеткізушілермен бәсекелестік диалогын аяқтағанын мәлімдеді.
"Росатом" мемлекеттік корпорациясы, KHNP (Корея), CNNC (Қытай) және EDF (Франция) компаниялары Қазақстанда атом электр станциясын салу үшін технологияларды әлеуетті жеткізушілердің қысқа тізіміне енді", - деп жазылған бұған дейінгі хабарламада.
Фото: depositphotos.com
