Астана халқының саны 1,5 миллионнан асты
Ұлттық статистика бюросының мәліметінше, ел астанасындағы халық саны 1 502 102 адамға жеткен.
Бұл 2024 жылдың 1 қазанындағы есеп. Ал, 1 қыркүйекте қалада 1 490 470 адам тіркелген. Осылайша, бір ай ішінде елордаға 12 мыңға жуық тұрғын қоныс аударған. Жыл басында астаналықтар саны – 1 409 497 болған.
Ал, Алматы қаласында 1 қазанда 2 275 541 адам тұратыны белгілі болды. 2023 жылы елдегі ең ірі мегаполисте 2 211 198 адам тұратыны айтылған еді.
Ұлттық статистика бюросының 1 қазандағы дерегінше, Қазақстандағы адам саны – 20 223 218. Оның 12 704 977 қалада, 7 518 241 ауылдық жерлерде тұрады.
Фото: Астана қаласының мәдениет және спорт басқармасы
