Астанада Ұлы Жеңістің 80 жылдығына арналған мерекелік отшашу 9 мамыр күні өтеді, деп хабарлайды Malim.kz.
Қала әкімдігінің ресми мәліметінше, фейерверк демеушілердің қолдауымен ұйымдастырылады. Отшашу 9 мамыр күні сағат 22:00-де екі жерден — Ботаникалық бақ пен «Атырау» көпірінің маңындағы аумақтан атылады.
Әрбір локацияда шамамен 4 мыңға жуық отшашу оқтары атылады деп жоспарланған.
Айта кетейік, елордада 7 мамыр — Отан қорғаушылар күні және 9 мамыр — Жеңіс күніне арналған 100-ден астам түрлі іс-шаралар өтеді. Олардың қатарында концерттер, ғылыми конференциялар, мектептердегі тәрбие сағаттары, театр қойылымдары және тағы басқалар бар.
Фото: Астана әкімдігі
