Атырау облысында автобус жолаушылары орынға таласып, бірі қолын сындырды
Себебі, билет сататын онлайн-платформа істемей қалған
Атырау мен Құрманғазы ауданы арасында қатынайтын автобуста жолаушылар арасында төбелес шығып, бір адам қолын сындырған. Бұл туралы HALYQSTAN телеграм-арнасы жазды, деп хабарлады Malim.kz.
Ақпарат көзіне қарағанда, төбелестің шығуына жаңа автобус бағытының билеттерін сататын онлайн-платформа жұмыс істемеуі себеп болған. Әлеуметтік желіде тараған видеода жұрттың жапатармағай таласып мініп жатқаны көрінеді. Оның ақыры төбелеске дейін барып, бірінің қолы сынғаны айтылады.
Белгілі болғаны, билеттің тек автобус жүргізушісінен сатып алу керек болған. Бірақ оған дейін алдымен орынға отырып алу қажет.
Курманғазы аудандық әкімдігі осы жағдай үшін жолаушылардан кешірім сұрап, алдағы екі аптада онлайн-билет сатуды ретке келтіретінін уәде еткен.
Айта кетейік, даулы рейс желтоқсанның ортасында іске қосылған. Ішінде 53 орны бар үш автобус күн сайын қатынауы керек болған.
Фото: видеодан скриншот
Байланысты жаналықтар
MalimBlocks
