Бала кезден шаңғы тепкен: Шымбұлақта қаза тапқан әйел туралы тың дерек пайда болды
17 наурызда қар көшкіні салдарынан 35 жастағы шаңғышы қаза тапты
Алматыда қар көшкіні астында қалған шаңғышы туралы тың ақпарат пайда болды, - деп хабарлайды Malim.kz Orda.kz-ке сілтеме жасап.
17 наурызда Алматы тауында қайғылы оқиға болды – қар көшкіні салдарынан 35 жастағы шаңғышы қаза тауып, тағы екі адам зардап шекті.
Төтенше жағдайлар министрлігінің мәліметінше, қаза болған әйел Ресей азаматы болған.
Orda.kz мәліметінше, Нұрсұлтан шыңының баурайында қар көшкіні астында қалып, қаза тапқан әйел – Олеся Головина. Ол шаңғышы және жаттықтырушы болған.
Әйел кейінгі18 жылын Ресейде өткізіп, сол елдің азаматтығын алған. Алайда Олесяның туған жері – Алматы. Бұл туралы спортшы Instagram-дағы жазбаларында бөліскен.
Олеся Головина 1990 жылғы ақпанда, Алматыда дүниеге келген.
«Шаңғы тебуге деген махаббатым Алматыда, Қазақстанда басталды. Мен бұл қалада туып-өстім және бұл - мен үшін үлкен бақыт! Алматыны тау қоршап тұр. Үйден шаңғы тебуге 15 минутта жетуге болатын, ал әйгілі «Шымбұлаққа» – небәрі 40 минутта жетесіз. Атам шаңғы тебуді жақсы көретін, ол әкемді шаңғыға тұрғызды, ал әкем маған үйретті», – деп жазған Олеся әлеуметтік желідегі парақшасында.
Еске салайық, бұған дейін Шымбұлақ тау-шаңғы демалыс орнында қар көшкінінен бір адам қаза тауып, тағы екі адам жарақат алғаны хабарланған еді.
Фото: Іnstagram.com/olessia_golovina
Байланысты жаналықтар
MalimBlocks
