Бүгін, Қазақстанда мамырдың екінші жексенбісінде Аналар күні аталып өтіп жатыр. Бұл күн былтыр шілдеде бекітілген еді, деп хабарлайды Malim.kz.
Осыған дейін Аналар мерекесі қыркүйектің үшінші жексенбісінде мерекеленіп келді. Ал биыл мамырдың екінші жексенбісі айдың 12 күніне келіп тұр.
Аналар күні – әлемнің көптеген елінде мерекеленеді. Құттықтаушылар Анасына деген құрметін, сүйіспеншілігін, қамқорлығын білдіріп жатады.
Жалпы бұл атаулы күн осы күні АҚШ, Канада, Германия, Италия және Бельгия сынды әлемнің 20-дан астам елінде аталып өтеді. Кейбір ел оны басқа күндерге бекіткен.
Айта кетейік, елімізде Қазақстан халқы Ассамблеясының жанында «Аналар кеңесі» жұмыс істейді. Ұйымның облыстық, қалалық, аудандық, ауылдық деңгейлерінде барлығы 1713 бөлімше бар. Олардың құрамына 16 051 әйел кіреді.
Фото: egemen.kz
Байланысты жаналықтар
MalimBlocks
