«Еуразия» бірінші арнасын 17 жыл басқарған Сергей Киселев қызметінен кетті
Ол мұндай шешімді денсаулығына байланысты қабылдаған.
Сергей Киселев «Еуразия бірінші арнасының» бас директоры қызметінен кетті, деп хабарлайды Malim.kz.
Zakon.kz порталының жазуынша, ол мұндай шешімді денсаулығына байланысты қабылдаған.
Киселев телеарнаны 17 жыл басқарды. Енді оның орнына әзірге бас директордың міндетін атқарушы болып, Арман Құдайбергенов тағайындалды. Ол Киселевтің орынбасары ретінде 12 жыл қызмет атқарған.
Сергей Киселев 1968 жылы Томск қаласында дүниеге келген. Красноярск әуе қорғанысы радиоэлектроникасы жоғары әскери училищесін (1989) радиоинженер мамандығы бойынша, «Әділет» жоғары заң мектебін (1996) заңгер мамандығы бойынша бітірген.
«Цесна-Сайран» ЖШС бас директорының орынбасары болып жұмыс істеді (1994-1996);
«Юрист» ЖШС, «ЮрИнфо» ЖШС компанияларының директоры болған (1996-2004);
Судьялар одағының хатшысы (2001-2002);
Құқықтық мәдениетті қалыптастыру қорының директоры (2003 жылдан);
«Еуразия+ОРТ» ЖШС бас директоры («Евразия» Бірінші арна» телеарнасы).
Қазақстанның еңбек сіңірген қайраткері (Қазақстанның еңбек сіңірген қайраткері). «Құрмет» орденімен, «Қазақстан Республикасының Конституциясына 10 жыл» және «Қазақстан Республикасының Парламентіне 10 жыл» медальдарымен, Достық ордендерімен марапатталған.
Қазақстан тележурналистикасының дамуына шығармашылық үлесі үшін Қазақстан Республикасы Президенті сыйлығының иегері.
Фото zakon.kz
