Нұрлан Қоянбаев өзіне көмектескен сатушыдан 2 тонна қарбыз сатып алды
Бұл екеуінің екінші рет кездесуі.
Қазақстандық актер, продюсер әрі тележүргізуші Нұрлан Қоянбаев көше бойында қарбыз сатып тұрған сатушыларға көмектесті, деп хабарлайды Malim.kz.
Қоянбаевтың Instagram-парақшасында жарияланған видеода актердің өзінің «бұрынғы танысымен» кездесуін көруге болады. Естеріңізде болса, желіде Қоянбаевқа тегін қарбыз берген әйелдің видеосы кеңінен тарап кеткен. Өз кезегінде актер де сатушыға алғысын білдіргісі келген: ол бірден екі тонна қарбыз сатып алған.
Қоянбаев қарбызды сатып алуды челленджге айналдырған, сатушылармен әңгіме барысында ол биыл сауданың нашар екенін білген. Сондықтан продюсер әйелге көмектесіп, көліктерді тоқтатып, қарбыз сатып алуға ұсыныс білдірген.
Қарбыз сату да оңай жұмыс емес екен, - деді күн астында сауда жасаған Қоянбаев.
Фото: instagram.com/koyanbayevnurlan
