Белгілі журналист, ақын, жазушы және публицист Нұржан Қуантайұлы Л.Гумилев атындағы Евразия ұлттық университетінің Журналистика және әлеуметтік ғылымдар факультетінің деканы болып тағайындалды, деп хабарлайды Malim.kz.
Еңбек жолын 1993-1994 жылдары Қазақ радиосында аға редактор және шолушы ретінде бастаған.
Кейіннен Қазақстан Журналистер одағына қарасты Журналистерді қолдау қорының вице-президенті, әл-Фараби атындағы ҚазҰУ-дың журналистика факультетінде аға оқытушы және доцент қызметтерін атқарған.
Сондай-ақ, «Жас Алаш», «Қазақ университеті», «Айқын», «Алматы ақшамы» газеттерінде түрлі лауазымдарда жұмыс істеген.
Әдебиет саласында «Адырна» (2001), «Қараөзек», «Қолшатыр» атты прозалық және «Күмбір» поэзиялық кітаптарының авторы ретінде танымал.
Еске сала кетейік, 2019 жылы Нұржан Қуантайұлы әл-Фараби атындағы Қазақ ұлттық университетінің журналистика факультетінің деканы болып қызмет атқарған болатын.
Фото: әлеуметтік желі
