Петропавлда су қоймасы туралы фейк ақпарат таратқан тұрғын 74 мың теңге айыппұл арқалады

Солтүстік Қазақстан облысында полицейлер Сергеев су қоймасының бөгетіне қатысты жалған ақпарат таратқан керекулікті жауапкершілікке тартты, деп хабарлайды Malim.kz.

21 сәуірде полицейлер Instagram желісінде Сергеев су қоймасынан түсірілген видеоны анықтады.

Видеода қоймадағы судың деңгейі 4 метрді құрағаны айтылған. Шын мәнінде, судың биіктігі әлдеқайда азайған. Осылайша, автор судың шынайы деңгейін бұрмалап, жалған ақпарат таратқан. Ол 25 жастағы петропавлдық болып шықты. Оның сөзінше, бұл ақпаратты сол маңда түсірілім жүргізіп жатқанда болған бейтаныс адамнан естіген. Қала тұрғыны өз кінәсін мойындады, - деді СҚО ПД баспасөз қызметі.

Полицейлер ҚР Әкімшілік құқық бұзушылық туралы кодексінің 456-2-бабына (жалған ақпарат орналастыру, тарату) сәйкес жеке тұлғалар үшін 20 айлық есептік көрсеткіш көлемінде айыппұл көзделгенін еске салады.

Фото: интернеттен