Қазақстанда Жеңістің 80 жылдығына орай монеталар шығады
Ұлттық банк "Есте қалатын оқиғалар мен біртуар адамдар" сериясынан Ұлы Жеңіс. 80 жыл коллекциялық монеталарын айналымға шығарады, - деп хабарлайды Malim.kz тілшісі Tengrinews.kz-ке сілтеме жасап.
Номиналы 200 және 1000 теңгелік монеталар Ұлы Жеңістің 80 жылдығына орай шығарылғалы отыр.
"Монеталарда ерлікпен қаза тапқан қаһармандарды еске түсіретін мәңгілік алау көрініс тапқан. 80 санындағы ою-өрнек жеңіс лентасын бейнелейді және ол Қазақстан Республикасының Мемлекеттік Туы элементтерімен үндеседі", - деп жазылған хабарламада.
Номиналы 1 000 теңгелік монета алтын жалатылған 925 сынамалы күмістен жасалған, таралымы – 2 000 дана.
Номиналы 200 теңгелік монеталар Қазақстан Республикасының аумағында қолданыста бар монеталармен бірге еркін айналымда болады.
Фото: nationalbank.kz
Ең көп оқылған
