Қазақстандағы имамдар су тасқынына байланысты дұға жасады
Қазақстандағы өңірлерде су тасқыны болып жатқанына байланысты еліміздің барлық имамы бір мезетте дұға оқыды, деп хабарлайды Malim.kz.
ҚМДБ баспасөз қызметі бас мүфти Наурызбай қажы Тағанұлының «Бір мезетте бір дұға» игі бастамасына еліміздің барлық өңірінде мешіт имамдары мен жамағаты үн қосып, су тасқынына байланысты Құран оқып, дұға жасағанын мәлімдеді.
Атап айтқанда, жамағатпен бір мезетте дұға жасау Астана, Алматы мен Шымкент қалалары, сондай-ақ облыс орталықтары мен аудандарында құптан намазы алдында ұйымдастырылды. Имамдар жамағатпен бірге су тасқынынан зардап шеккендерге жеңілдік тілеп, Алла Тағаладан елдің амандығы мен тыныштығын сұрап дұға тіледі, – делінген Қазақстан мұсылмандары діни басқармасының хабарламасында.
Фото: ҚМДБ
MalimBlocks
