Тимур Құлыбаев Financial Times басылымында шыққан материал үшін Бас прокуратураға шағымданды. Inbusiness.kz. сайтының жазуынша, Құлыбаев Бас прокуратурадан жарияланған материалға байланысты ресми тексеріс жүргізуді сұраған.
«Financial Times басылымына 3 желтоқсан күні шыққан мақалаға байланысты мынаны айтамыз. Тимур Құлыбаев жалған мәліметті мақалада айтылған дүниелерге келіспейді. Онда негізсіз тұжырымдар айтылған, нақты фактіге сүйенбеген, ресми деректерге кереғар субъективті пікір жазылған. Тимур Құлыбаев мақалада айтылған келісімдерге тура, жанама түрде қатысы жоқ. Осыған сәйкес Тимур Құлыбаев Бас прокуратураға жан-жақты ресми тексеріс жүргізу үшін шағымданды», - делінген хабарламада.
Айта кетейік, Financial Times газеті Тимур Құлыбаевтың Қытай мен Еуропаны жалғайтын газ құбыры жобасынан жасырын жолмен ондаған миллион доллар пайда көрді деп жазған болатын.
Financial Times редакциясына 2008-2014 жылдар аралығындағы электронды хаттар түскенін, онда Құлыбаевтың газ құбыры келісім шартынан қалай пайда көргені жазылғанын айтады.
Ондағы көрсетілген схемамен Тимур Құлыбаев келіспей отыр екен. Тимур Құлыбаев – KazEnerqy ассоциациясының төрағасы, Қазақстан ұлттық экономикалық «Атамекен Одағы» палатасы президиумының төрағасы, Қазақстан Республикасы Бокс федерациясының төрағасы, «Газпром» РАҚ-ы директорлар кеңесінің мүшесі.
