Құтқарушыны пышақтаған күдікті екі айға қамауға алынды
Наурыздың 31-күні кешке Батыс Қазақстан облысында қызметтік міндетін атқарып жүрген 26 жастағы құтқарушы пышақ жарақатын алған еді.
Көп кешікпей құтқарушыға шабуылдаған Қазталов ауданының 31 жастағы А-есімді күдікті екені анықталды.
Оқиға құтқарушылар тұрғындарды Қараөзен өзенінің арғы бетіне өткізу кезінде болған. Ішімдік ішкен екі азамат ТЖМ қызметкерлеріне келіп, жанжал шығарған. Кейіннен қызметтегі сержанқа қарсы суық қару қолданған.
Казталов аудандық соты аудан прокуратурасының ҚР ҚК 380-бабы 5-бөлігіне сәйкес қылмысты жасаған 1993 жылғы күдіктіні 2 айға қамау туралы өтінішхатын қанағаттандырған.
Жарақат алған азаматтың қазіргі жағдайы жақсы. Ол Жалпақтал ауылындағы № 2 Казталов аудандық ауруханасында емделіп жатыр.
Еске салсақ, бұған дейін Батыс Қазақстан облысы Қазталов ауданында су тасқынынан зардап шеккен тұрғындарға көмектесуге барған құтқарушыны пышақтап кеткенін жазған болатынбыз.
Кейін осы қылмысқа күдікті ретінде Жалпақтал ауылының тұрғыны ұсталды.
Фото: интернеттен
