Қызылордада полицейді боқтаған оқушыға 18 мың теңге айыппұл салынды
![](/images/article-img/1600/23560-1721999681-m.webp)
Қызылордада кәмелетке толмаған бала қоғамдық орында полиция қызметкеріне тіл тигізген, деп хабарлайды Malim.kz Egemen.kz сайтына сілтеме жасап.
Ақыры баланың анасы әкімшілік жауапкершілікке тартылды.
«2024 жылдың 20 маусымында сағат 14:00 шамасында Қызылорда қаласы Камалов көшесінде Т.-ның кәмелетке толмаған ұлы Р., қоғамдық орында полиция қызметкеріне балағат сөздер айтып, тіл тигізген. Сотта азаматша Т., хаттамамен келісетінін, мұндай жағдай енді қайталанбайтынын айтып, сот пен инспектордан кешірім сұрады», делінген хабарламада.
Сот қаулысымен баланың анасы ӘҚБтК-нің 435-бабы «Кәмелетке толмаған адам жасаған бұзақылық» бойынша кінәлі деп танылып, оған 18 091 теңге көлемінде айыппұл салынған.
Фото: policica.kz