Әнші әрі актриса Мөлдір Мұқанова той үстінде ерекше сыйлыққа ие болды. Өнер иесіне қымбат әшекейді танымал тележурналист Гүлбаршын Зайырова тарту еткен, деп хабарлайды Malim.kz.
Мөлдір Мұқанова қуанышын әлеуметтік желідегі парақшасында бөлісіп, мойнындағы әшекейдің түпнұсқа Tiffany бұйымы екенін айтты.
Оның сөзінше, бағалы сыйлықтың құны шамамен 33 миллион теңгеге бағаланады.
"Мәә, қатты қуанып тұрмын. Мен үшін де бүгін тосынсый болды. Мойнымдағы әшекейге назар аударайық. Мүшелден мүшелге аман-есен жете бер, әпке! Қатты қуанып тұрмын. Оригинал Tiffany, құны бір машина", – деді өнер иесі.
Белгілі болғандай, Гүлбаршын Зайырова мүшел жасына толуына байланысты өзіне тиесілі бағалы бұйымды жақын адамына сыйлауды жөн көрген.
Еске сала кетейік, Мөлдір Мұқан әлеуметтік желідегі парақшасында қуанышты жаңалығын бөліскен еді.
Мөлдір Мұқан кім?
Мөлдір Мұқан – қазақстандық әнші, актриса және тележобаларға қатысып жүрген өнер иесі. Ол көпшілікке сахнадағы шығармашылығымен, телевизиялық жобалардағы рөлдерімен және әлеуметтік желідегі белсенділігімен таныс.
Мөлдір Мұқан түрлі музыкалық жобалар мен мәдени шараларға қатысып, кейінгі жылдары актерлік бағытта да көріне бастады. Өнер иесі отбасылық өмірі, шығармашылығы және күнделікті өмірінен сәттерді әлеуметтік желіде жиі бөлісіп отырады.
Ол қазақстандық шоу-бизнес өкілдерімен етене араласып, түрлі шығармашылық жобаларға қатысып келеді. Мөлдір Мұқанова көпшілікке ашық мінезі мен өнердегі белсенділігі арқылы танылған.
