Шығыс Қазақстан облысы Риддер қаласы жаз бойы ыстық сусыз отырады, деп хабарлайды Malim.kz.
Қала әкімдігінің хабарлауынша, жылу желілерін ауыстыру және жылу электр орталығында ауқымды жөндеу жұмыстары басталған. Соған байланысты 10 мамыр мен 1 қыркүйек аралығында тұрғын үйлер мен мекемелерде ыстық су болмайды.
Былтырғы жаз бен күзде ЖЭО-да жөндеу жұмыстары басталып, қиын жағдай тұрақтандырылған еді. Соның арқасында 2023-2024 жылдардағы жылыту маусымында үлкен ақау болған жоқ. Жөндеу жұмыстары биыл да жалғасады. Осы жолы былтыр жөнделмей қалған қазандық агрегаттарын, турбогенераторларды, қосалқы жабдықтарды күрделі жөндеу жоспарланып отыр, деген ресми хабарламада.
Сондай-ақ жалпы ұзындығы 18,9 шақырым болатын жылу желілерінің 55 аумағында күрделі жөндеу жұмыстары жүреді. Барлық жұмысты белгіленген мерзімде аяқтау жоспарланып отыр.
Фото: kzmap.ru
Байланысты жаналықтар
MalimBlocks
