Шымкентте жолдың жақсы және қанағаттанарлық жағдайы 75%-ға жетті
Биыл қалада 365,8 шақырым жолға құрылыс -жөндеу жұмыстары жүргізілген
Шымкентте жол сапасының жағдайы жақсара түскен. Былтырғы жылмен салыстырғанда жолдарды жақсарту бағытында жұмыстар қарқынды жүргізілген, деп хабарлайды Malim.kz.
Қала әкімдігінің мәліметінше, 2023 жылы 254 нысан немесе 232,7 шақырым жолға құрылыс-жөндеу жұмыстары жүргізілсе, биыл жалпы қала аумағындағы көшелер желісінде 501 көшеде (365,8 шақырым) сондай жқмыс атқарылған.
Жыл қорытындысымен 424 көше, 1 көпір немесе 269,5 шақырым пайдалануға берілді. Биыл 20 нысанда немесе 59, 5 шақырым құрылыс-қайта құру жұмыстарына қаржы қаралып, 6 нысандағы 23,1 шақырым жол пайдалануға берілді, деп жазылған қала әкімдігінің мәлімдемесінде.
Ал күрделі және орташа жөндеу жұмыстарымен 310 көше немесе 227 шақырым қамтылып, 247 көше, 1 көпір немесе 167,1 шақырым пайдалануға берілген. Ағымдағы жөндеу жұмыстары 181 көше немесе 79,3 шақырымға жүргізілген.
Фото: Шымкент қаласы әкімдігі
