Шаққалиев уақыттың өзгеруіне қарсыларды сынға алды
Арнайы білімі жоқ адамдар әлеуметтік желілерде өздерінің күнделікті қажеттіліктері үшін қолайлы болса екен деп даурығады
Сауда және интеграция министрі Арман Шаққалиев бірыңғай уақыт белдеуінің енгізілуіне қарсыларды «бұл тұлғалардың арнайы білімі жоқ және олар оның [бұрынғы уақыттың] ұзақ мерзімді келеңсіз салдарын түсінбейді, – деген. Бұл туралы tengrinews.kz сайты жазды.
«Арнайы білімі жоқ адамдар әлеуметтік желілерде өздерінің күнделікті қажеттіліктері үшін қолайлы болса екен деп даурығады, сонымен бірге азаматтардың экономикасы мен денсаулығына ұзақ мерзімді келеңсіз салдары барын түсінбей, бөгде гипотезалар мен болжамдар жасайды.
Өтінішті қарау жөніндегі жұмыс тобы барлық дәлелдерді зерделеп, [бірыңғай уақыт белдеуіне көшудің] денсаулық пен экономикаға теріс әсер ететін ешқандай бұрыс шешім таппады», – деді Шаққалиев бүгін үкімет отырысында.
Министрдің айтуынша, өтінішті қарау нәтижесінде стандартты уақыт белдеуіне барынша бейімделу үшін жағдай жасауға бағытталған нақты жоспарлар әзірленді.
«Осылайша, уақыт белдеуін өзгерту туралы қабылданған шешімнің ғылыми негізі дұрыс және экономикалық тұрғыдан орынды», – деп қосты Арман Шаққалиев.
Фото: gov.kz
